Thursday 10 June 2010

不雅劇場.第二回。

唔講唔知,袁生身高體胖經常攤在公司死蛇爛鱔,但原來一直有跳舞習慣,而且舞技還相當精湛。

是晚袁生參加樓下街坊福利會舉辦的《齊心救救小哥頓慈善舞鬥夜》,巧遇工友舞者A,真相才被揭穿。

「阿袁,真係估唔到原來你都有跳開舞。」頸纏紅絲巾、身穿緊身恤衫現袋西褲的舞者A 對袁生說。

「跳開唔敢講,都係工餘時間玩下唧。」袁生邊說邊摸著頭作尷尬狀。

「其實我都有跳開的。」舞者A 此時在袁生跟前原地轉了個圈後,擺出雙手微曲向前、手掌打開五指向外的架勢,並展露出活像打了雞血的笑容,可謂浮誇到無以復加地步。

「......」眼見如斯狀況,袁生笑容顯得特別靦腆。「哦,咁跳咩舞多?」

「我咁年紀,梗係鐘意老舞多。」

「咁岩?我又係鐘意跳老舞喎。」

「好少你咁年紀會鐘意跳老舞,鐘意邊種老舞?我呢種得唔得?Music!」舞者A 拇指中指相互一啪,週遭忽爾響起音樂,就自顧跳了起來。幾個小踏步轉個圈,回後兩步又揚揚手,袁生看著看著,感覺就好像身處無記一廠看著《卡啦之星》一樣,令人不懂反應。

跳了兩來分鐘,最後定格擺出浮誇架勢,定眼望著袁生尋求認同。

「唔,一個人跳老舞比較唐突比較Dry,我鐘意同人一齊跳老舞多。」袁生婉轉評論著。

「...咁你即係話我跳得差唧。」表演慾強的人,信心特別易受挫。

「我只不過覺得我跳你隻老舞會跳得好好多囉。」袁生堅持著。

正當二人一言不合,準備講手之際,舞者B 忽然在身後彈出。

「相嗌唔好口,睇下我先啦。」

舞者啪了啪手指,模彷謝賢「♪叉叉叉~叉叉叉~♪」逕自跳起來,動作之大長相之古怪,嚇得袁生跟舞者A 只懂張著嘴、傻了眼。

「點呀?正唔正先?」三分鐘後,舞者B 滿身熱汗對著二人問。

「...老老實實,真係柒到核爆。」兩人依書直說,完全不留情面。「我有信心跳得好過你。」

「咁咪係囉!」舞者B 一副「That's Right」模樣說。「我跳你老舞,你跳我老舞,世界大同爭甚麼?」

眾人恍然大悟,最後相互對著起勢互跳老舞,跳得眾人身水身汗、不亦樂乎,實在可喜可賀。

5 comments:

Mr. Ball said...

冇第一回咁爆。同埋我覺得Ending有少少Cult片感。

ps:見到你個句"不想做了。" 希望你唔好摺blog啦,真係要摺會有好多人覺得可惜。

素顏天使 said...

全文精句係在於「袁生原來一直有跳舞習慣,而且舞技還相當精湛」,OK 唔該下次表演o黎睇下。

袁健健 said...

波先生:
唔係跌地執沙,
呢篇真係冇咩心機,
亂黎的。

素顏:
出場人物與現實並無直接關係。

chaumet said...

好冧你用自己名夠膽死既"不雅劇場"..KEEP IT UP!!!! 跳老舞...笑死左~

袁健健 said...

chaumet:
真心感謝有人曉笑~
就因為妳,
我決定將原定取消的第三回重新啟動~