Tuesday 17 April 2007

《孃王》。

在公司為了保持平實酷男造型,總會用演技努力掩蓋著自己貪婪一面,縱然公司出現客戶贈送的美味食材亦照樣懶唔在乎扮禮讓送予其他同事,用斜眼看著同事們啖著新奇朱古力自己卻要扮若無其事交足戲用心上網,壓抑之情可想而知。

返到家赦下工作服即回復真身上網起勢搜尋日系劇集及電影,打開資料夾明明有十幾廿套新舊日劇開演無期任君選擇但仍起勢的添置新貨,金魚肚般強勢下載雖云乃非法行為,但有需要澄清一句,在香港有得上映的一概非本人目標之列,始終酷愛坐戲院望銀幕氣氛,如非必要都不會選擇此等侵犯知識版權途徑滿足私慾,若然連電影都要棄戲院改在電腦前搞掂的話,我唯一放得上檯面的嗜好都唔見得光了。


近排花上大量時間鑽研《Smap x Smap》,短打日劇旋即成為間場最愛,當中尤以數年前的踩界深宵日劇《孃王》最受追捧,《孃王》陣容對於一般群眾來說其實並不吸引,但對於研究日本 Cult 片的一眾影迷們來說,就屬非看不可了。

平日蒼井空、吉沢明步兩大當紅女優流入香港影像皆以無布為主,就算印在 Future Zombie x 蒼井空 Tee 的圖案都是無上裝的,現在難得有劇集可以看到兩者有布掛身,試問有咩辦法唔浪費下時間捧場?

自從年前看過另一套無聊胡鬧到爆的深宵踩界日劇《下北 Glory Days》後,對同類劇集普遍產生抗拒,但今勻《孃王》則大大不同,雖然自己某程度上(其實好大部份)因為蒼井空身段捧場,但劇情同樣引人入性,起碼唔似《下》劇一味大灑假大空鹽花而忽略劇情。


女主角北川弘美既沒戲交又唔得動人可愛,笑容尤其致命,依起個口呈長方形狀,越看越沒好感,若然劇情不中用的話老早熄機收皮;女主角不中看又非 Cult 片女優,祼露重任自然交由兩大美女蒼井空及吉沢明步代勞,都不知是否平日演 Cult 片扮演角色夠多研究得夠仔細,雖云此演技可能不同彼演技,但演起上來竟然比起主角更自然更有看頭,當中尤其喜愛蒼井,風騷表情加上帶點沙啞聲線,大紅起來自有其道理,相對而言吉沢就遜色了一點,萌系動作行起路彈來彈去造作得令人起雞皮,Otaku 族人當然趨之若鶩,我等平民則無眼好睇。

叫得深宵踩界劇,當然唔少得露下肉點綴一番,但畢竟尋常電視劇,肉搏場面一集一場點到即止,就算再多都不過雙點綴而已,要再三點綴的話,看倌們又要向 Cult 片進發了。


《孃》劇值得追看,除劇情及女角可取,男主角金子昇亦功不可沒,記得《下》劇男主角極盡樣衰邪惡之能事,雖不迷男色,但每望一次鬧一次亦非萬全之策,現在金子昇留有鬍子少了咸蟲模樣多了一貫日系型男外殼,感覺順眼似人樣得多。

據聞第二輯將在四月尾推出,除原有班底外亦會追加兩三名 Cult 片女優充撐一下場面,值得期待。

No comments: